Ekskluzive

Çfarë është ?

NBA është maksimumi i basketbollit dhe spektaklit botëror. Kampionati amerikan i basketbollit ka kohë që është shndërruar në “Hollywood 2”, jo vetëm për shpenzimet marramendëse të lojtarëve dhe spektaklit që dhurohet në fushë, por edhe sepse është sporti më i ndjekur në USA. Ky sport ka kohë që është bërë i dashur edhe për evropianët, e aq më shumë për shqiptarët, të cilët dashurohen shumë shpejt me sportin. Pavarësisht se ndeshjet luhen orët e vona të natës, ato janë ndjekur nga një numër i konsiderueshëm shikuesish (kjo në bazë të sondazheve të bëra gjatë Play-off).

Kjo eshte hera e parë që NBA, do të vijë në Shqipëri në mënyrë ekskluzive. Telesport ka të gjitha mundësitë (njerëzore & teknike) për të kryer një transmetim perfekt për shqiptarët. Ky kampionat sjellë diçka serioze për shqiptarët, të cilët deri tani janë shpërndarë për të ndjekur ndeshje të veçanta, si të sezonit të rregullt ashtu edhe të Play- off. Ndeshjet e këtij kampionati, por edhe episodet e “NBA action” do të afrojnë “Tokën e premtuar”, në shtëpitë e shqiptarëve.

54 ndeshjet e sezonit të rregullt, 36 episodet e NBA action, dhe mbi të gjitha ndeshja e madhe e “All star game” janë një shfaqje e garantuar spektakli. Në NBA, luajnë basketbollistët më të mirë të botës, aq sa ndonjëherë ai konsiderohet si kampionati botëror.